Programm

Eisen nationale Programm fir déi kommend Chamberwalen zu Lëtzebuerg 2023 ass den Ament an der Maach!

Eis Missioun fir Lëtzebuerg

Fir wat genau steet Volt zu Lëtzebuerg? Mir definéieren eis engersäits duerch eis Grondwäerter, an anerersäits duerch eis Missioun an eis Ziler fir d'Politik zu Lëtzebuerg.

Volt entaméiert dobäi dräi Haapt-Sujeten:

europe

Europa an d'Europäesch Unioun fërderen

Volt steet fir Europa an Europa ass fir eis net aanescht denkbar wéi mat der Europäescher Unioun. Mir wëllen och zu Lëtzebuerg d'EU an hier Institutioune weider stäerken fir en nach méi harmoniést Zesummeliewen an eng méi enk Verbindung zu eisen Noperen ze schafen. Lëtzebuerg ass nämlech dat EU-Land schlechthin, mat 47% vun de Awunner déi Auslänner sinn, dovunner 83% aus der EU.

→ Mir wëllen z.B. de System vun der Europaschoul nach méi fërderen.

peoples

All Bierger gläichermoosse stäerken

Volt steet och fir d'Stäerke vun de Bierger, an domat mengen mir all Bierger, onofhängeg vu Geschlecht, Sexualitéit, Nationalitéit, Relioun oder kultureller Identitéit. Mir wëllen dofir zu Lëtzebuerg, dat duerch säi Multi-Kulti geprägt ass, nach méi Toleranz schafen a gläichzäiteg jiddferengem seng Rechter nach méi staark maachen.

→ Mir schaffen un engem Programm, fir en Auslännerwalrecht fir EU-Bierger anzeféieren.

climate

Sech fir d'Klima a Wëssenschaft asetzen

Volt steet awer och fir eng greng Politik mat engem Fokus op der Entwécklung op neien Technologien. Mir wëllen aus Lëtzebuerg net nëmmen ee Virreider a punkto null Emissioune maachen, mä och erneierbar Energien, nei Technologien an der Raumfahrt, eng ambitiéis Fuerschung a Wëssenschaft, déi Lëtzebuerg virubréngt, fërderen.

→ Mir fuerderen ënner anerem d'Zouloosung vun autonomen elektreschen Autoe an déi ausschliisslech Fërderung vun erneierbaren Energieën.

Eis 6 Prioritéiten

Nieft all deene Sujeten a Problemer, déi een an der Lëtzebuerger Politik ugoe kann, hu mir eis als Volt Lëtzebuerg zesumme gedoen, fir bestëmmte Prioritéiten auszeschaffen. Dës sechs Prioritéite wäerten notamment an eise Wahlprogramm afléissen.

house

Wunnéngswiesen

Zu Lëtzebuerg wunnen ass alles anescht ewéi einfach. Mat soziale Mesure wëlle mir abordabele Wunnraum zu Lëtzebuerg fir all Awunner garantéieren.

cloud

Klima

Mir befannen eis matten am Klimawandel. Lëtzebuerg an d’EU mussen dringend méi a méi streng Moosnamen ergräifen, fir em entgéint ze wierken.

cog wheel with european stars

EU-Reform

Mir si méi, ewéi just eist klengt Land: Mir sin Europäer! Dowéinst ass et wichteg, d'EU selwer ze stäerken an hier eng kloer Zukunftsperspektiv ze ginn.

citizens

Biergerrechter

Alleguerten d’Bierger aus dem Land musse gestäerkt an ënnerstëtzt ginn. An engem Sozialstaat duerf kee lénks leie gelooss ginn.

book

Educatioun

D’Educatioun ass eis Zukunft a muss an engem zukunftsorientéierte Staat di alleréischt Prioritéit sinn – vum Primaire bis zur Héichschoul an der Beruffsausbildung.

working

Aarbecht

Wien Aarbecht sicht, soll der och fannen a wie schafft, soll dat och zu korrekte Bedingunge maache kënnen. Mir fuerderen dowéinst och eng Stäerkung vun de Gewerkschaften.