Eis Lëschte fir d'Chamberwalen
Hei sinn eis Kandidaten fir d'Walen 2023. Vergiesst net, och eise Walprogramm ze liesen, dee mir gemeinsam vertrieden.
Elisa Hippert
geb. 1986
Professesch fir Däitsch & Geschicht
Fir mech bedeit Europa...
... Fridden a Secherheet. Meng Generation huet sech dru gewinnt, datt Fridden an Europa selbstverständlech ass. Mee déi lescht Joeren hu gewisen, wéi wackleg de Fridden an Europa ass. Sief et intern duerch den Rietspopulismus oder extern duerch de Krich an der Ukrain.
Becci-Sue Schmitz
geb. 1992
Léierin
Fir mech bedeit Europa...
... een Zesummenschloss vu verschiddenen ënnerscheedleche Länner zu engem grousse Ganzen. Déi europäesch Länner mussen onbedéngt dësen Zesummenschloss als Zesummenhalt erkennen, dee si stäerken kann. Nëmmen zesumme si mir staark fir all Erausfuerderung.
Oswa Moreira
geb. 1982
Bitzfra
Fir mech bedeit Europa...
... d'Verwierklechung vun enger gemeinsamer Visioun, wou d'Vielfalt an d'Zesummenaarbecht iwwer Grenzen ewech d'Basis fir eng staark an inklusiv Communautéit bilden.
Eolia Verstichel-Boulanger
geb. 1994
Therapeutin
Fir mech bedeit Europa...
... géigesäiteg Hëllef, Austausch, Oppenheet fir aner Kulturen an Ënnerstëtzung bei all natiouneniwwergräifendem Problem.
Conny Jaroni
geb. 1985
Educatrice graduée
Fir mech bedeit Europa...
... Zesummenhalt a sech gemeinsam staark ze maache fir d‘Erausfuerdungen, mat deene mir an déi zukünfteg Generatioune konfrontéiert ginn, ze meeschteren. Eis Kanner sollen an engem Europa opwuessen, dat et fäerdeg bréngt, zesumme Léisungen ze fanne fir eng human Flüchtlings- respektiv raisonnabel Aarbechtsmigratiounspolitik ëmzesetzen, d‘Verkéiersproblematik an de Grëff ze kréien a Bedrounge wéi Krich, Pandemien oder der Klimakris entgéint ze wierken.
Estelle Klümper
geb. 1984
Pädagogin
Fir mech bedeit Europa...
... Interkulturalitéit, d'Fräiheet vum Liewen, der Meeenungsäusserung a Gläichheet. Europa ass eng Chance, an der Diversitéit zesummenzeliewen.
Julie Schannes
geb. 1996
Éducatrice diplomée
Fir mech bedeit Europa...
... e modernt Liewen. D'Mënschen an Europa sinn engersäits stolz op hier Nationaliteit, Traditioun an Originnen a schaffe gläichzäiteg zesummen un enger besserer, gemeinsamer Welt fir déi nächst Generatioun.
Cheryl Chaussy
geb. 1993
Educatrice diplomée
Fir mech bedeit Europa...
... géigensäiteg Ennerstëtzung, Zesummenhalt an déi eenzeg Méiglechkeet op eng friddlech Zukunft.
Sabrina Roob
geb. 1986
Léierin
Fir mech bedeit Europa...
... Zesummenhalt. Nëmme wa mir all zesummenhalen kënne mir déi nach bevirstoend politesch, sozial a klimatologesch Erausfuerderungen ugoen.
Julia de Graaf
geb. 1984
Employée bei der Europäescher Investitiounsbank (EIB)
Fir mech bedeit Europa...
... Diversitéit, Toleranz a Wuelstand, eng Zukunft fir meng Kanner a meng Famill!
Serge-Arno Klümper
geb. 1954
Ekonomist
Fir mech bedeit Europa...
... déi Platz, déi ech meng Heemecht nennen, een eenzegaartege Projet an der Geschicht, bei deem d'Natiounen decidéieren, Grenze falen ze loossen an en neit Mateneen ze schafen. Deen eenzege Wee fir eis, als Zivilisatioun an der globaliséierter Welt z'iwwerliewen.
Daniel Silva
geb. 1983
Formateur an der Informatik
Fir mech bedeit Europa...
... an der Diversitéit verbonnen ze sinn. Als Lëtzebuerger mat portugiseschen Originnen, dee mat enger Estin bestuet ass, vertrieden ech d'Iddi, datt gemeinsam Wäerter eist Liewe beräicheren, andeems se d'Wiese vun eisen interkulturelle Connectioune erëmspigelen. Déi ekonomesch a perséinlech Méiglechkeeten, déi Europa bitt, verbonne mat de gemeinsame Wäerter, déi et vertrëtt, beräicheren eist Liewen dagdeeglech.
George Penn
geb. 1995
Generalsekretär fir Volt Europa
Fir mech bedeit Europa...
... einfach alles. Meng Partnerin, meng bescht Frënn, meng Carrière, meng Aussiichten, meng Hoffnung a meng Walheemecht Lëtzebuerg, däer ech sou dankbar sinn, datt ech sou häerzlech opgeholl gouf, verdanken ech Europa. Europa ass eng gemeinsam Zukunft, déi eis gemeinsam Vergaangenheet vu Gewalt unerkennt a seet: „Ni méi! Gemeinsam kënne mer et besser maachen!“
Michel Conter
geb. 1989
Gérant
Fir mech bedeit Europa...
... eng friddlech Zesummenaarbecht tëscht den Natiounen mat ville verschiddene Kulturen, fir eng gutt, integrativ an nohalteg Zukunft fir jiddferee vun eis a fir déi kommend Generatioun ze schaafen. Nëmmen zesumme kënne mir enger ongewëssener Zukunft entgéintkucken an eis virun deene Grousse schützen. Ee vereenegt Europa ass e séchert a staarkt Europa.
Andrea Salis
geb. 1994
Employé de l'État, Infirmier Dispatcher
Fir mech bedeit Europa...
... Fräiheet, Sécherheet a Wuelstand an enger ëmmer méi komplizéiert wierkender Welt. D'EU ass eng vun deene gréissten Erfollegsgeschichten an eiser jéngster Geschicht; wien sech fir ee stäerkt Europa asetzt, setz sech soumat och fir ee staarkt Lëtzebuerg an. Eis Zil muss sinn, Europa ze stäerken, ze reforméiere an zu engem Europa vun de Bierger ëmzebauen an dës Transformatioun muss schonn um nationalen Niveau ufänken.
Samuel Moïse
geb. 1999
Student vun der Ekonomie (Management) a vum Droit
Fir mech bedeit Europa...
... Zesummenhalt. Menger Meenung no kann nëmmen e staarkt a gëeenegt Europa eis Ëmweltproblemer an d'Erausfuerderunge vun der Migratioun léisen, andeems et d'Mënscherechter garantéiert. Zesumme kënnen déi europäesch Länner duerch eng gemeinsam Politik an eng enk Zesummenaarbecht wichteg Fortschrëtter maachen, fir eise Planéit ze schützen, d'Mënscherechter ze verteedegen an hier Roll op der internationaler Bün ze stäerken.
Danny Stirn
geb. 1991
Art Director (Graphic Design)
Fir mech bedeit Europa...
... kulturell Vielfalt. D'Oppenheet vun Europa dréit dozou bäi, datt een sech mat de verschiddenen Identitéiten auserneesetze, national Normen relativéieren an esou seng eege Stëmm fannen kann.
Jo Siebenaler
geb. 1994
Employé
Fir mech bedeit Europa...
... eng lieweg Vielfalt vu kulturellen Identitéiten an eng enk Zesummenaarbecht tëscht de Länner, fir gemeinsam Erausfuerderungen ze meeschteren an de Fridden, dee mer eis haart erkämpft hunn, z'erhalen.
Loris Di Bari
geb. 1998
Student vun der Ekonomie (international economic relations and international management of innovation)
Fir mech bedeit Europa...
... Zesummenhalt, Fridden an Zesummeschaffen vir d‘Allgemengwuel.
Sacha Fuchs
geb. 1990
Employé de l'Etat
Fir mech bedeit Europa...
... Diversitéit an alle Beräicher. Europa ass duerch eng helle Wull Kricher geprägt duerch déi d’Vollék méi staark ervirgaangen as. Mir liewen an éngem gëllenen Zäitalter wou reliéis a kulturell Differenzen gefeiert ginn an déi d’Europäer méi no beienee bréngen an net méi vunenee wechdrécken. Op d'mannst ass daat d’Visioun a mir wäerten alles doru setzen, datt dës Visioun d’Réalitéit gëtt a bleift.
Leo Fario
geb. 1990
Gestionnaire de projet de l'Etat
Fir mech bedeit Europa...
... Gemeinschaft. Mënschen, déi zesummen schaffen an zesummen fir hirt Wuelbefanne an Zukunft astinn, maachen den europäesche Geescht aus.
Christophe Schannes
geb. 1994
Student vun der mathematescher Biometrie
Fir mech bedeit Europa...
... e Vierbild fir international Kooperation. Wärend d'Technologie ëmmer weider avancéiert an eis ëmmer méi einfach a séier matenee verbënnt, ass d'Zesummenaarbescht mat anere Länner emsou méi wichteg. Méi Europa heescht besser Zesummenaarbescht fier komplex, global Problemer ze léisen.
Luca Di Bari
geb. 1995
Student vun der Mobiliteit an Infrastruktur
Fir mech bedeit Europa...
... e Flambeau un Hoffnung, Wäerter wéi Humanitéit, Respekt a Wuelstand duerch d'Enheet vun deene verschiddenste Kulturen. Ze gesinn, wéi dës riseg Gemeinschaft trotz Erausfuerderungen et zesumme packt an de Successmodell vun der Demokratie representeiert, bréngt mir Freed. Ech fille mech zoudéifst verflicht, mech dofir anzesetzen, fir dës aussergewéinlech Iddi vu kollektiver Stäerkt an Zesummenaarbecht ze schützen.
Fiona Godfrey
geb. 1965
Onofhängeg Beroderin fir EU-Gesondheets- a Migratiounspolitik
Fir mech bedeit Europa,...
... datt ech mäin däitsche Mann op der Uni am Vereenegte Kinnekräich kennegeléiert hunn, mat him op Lëtzebuerg geplënnert sinn, eis Famill mat duebler Nationalitéit groussgezunn hunn a mir eng Carrière an der EU opgebaut hun, vun däer ech ni gewot hätt, ze dreemen. Et wore Leit, déi d'EU opgebaut hunn, a se muss fir alleguerten d'Awunner*inne fonktionnéieren, net nëmme fir déi puer wéineg Glécklech.
Philippe Schannes
geb. 1989
Professer fir Philosophie
Fir mech bedeit Europa...
... Fräiheet vun all Zort. D'europäesch Kultur ass vu Fräiheet geprägt a wann d'Mënschen an Europa wéinst sozialer Problemer, enger drohender Klimakatastrof oder mangelnd Toleranz beemol net méi fräi sinn, musse mer dringend eppes änneren. Méi Europa heecht fir mech méi Fräiheet fir ze liewen!
Daniel Philippe
geb. 1983
Jurist
Fir mech bedeit Europa...
... alleguerten d'Europäer méi no beieneen ze bréngen. Fréier sinn d'Europäer op New York ausgewandert, wann se zesumme liewen a schaffe wollten. Haut treffe mer eis zesummen zu Lëtzebuerg. Merci, Europa!