Iwwert eis

Zukunft made in Europe

Wat ass Volt?

Vollt ass eng paneuropäesch, progressiv politesch Beweegung, déi sech dorops konzentréiert, d’Art a Weis, wéi Politik gemaach gëtt, ze veränneren an d’Zukunft vun Europa ze gestalten! Eng Bewegung, déi sech fir d’Stäerkung vun deem Europa asetzt, vun deem mir alleguer en Deel sinn.

Mir sinn eng vu Mënsche gedroe Beweegung, déi opgrond vun der sichtbarer Bedrohung duerch Populismus an Nationalismus, Korruptioun an däer notzloser “aler Manéier” fir Politik ze maachen, decidéiert huet, datt et Zäit ass, z’agéieren! Et ass Zäit, eis Zukunft ze gestalten an net zouzeloossen, datt d’Vergaangenheet eis Gesellschaft bestëmmt!

Gemeinsam kënne mer Europa zu engem vereenten Europa formen, dat Ganzt mat deenen héchste Standarden vun der ekologescher, mënschlecher a sozialer Entwécklung. Een Europa, an deem d’Bierger an Awunner hiert echt Potenzial entfale kënnen an dee néidegen Know-How hunn, fir eis Gesellschaft ze gestalten. Duerch eise basisdemokrateschen Usaz an der Politik an Initiativen fir d’Organiséiere vu Gemeinschafte verbannen a befäege mir Gemeinschaften op lokalem an nationalem Niveau dozou, d’Politik lokal doheem an op europäesche Plang z’erneieren an ze gestalten!

Geschicht

The founders of Volt
D'Grënnungsmemberen

2016 war de Brexit-Vote an de wuessende Rechtspopulismus an Europa de Grond dofir, datt zwee jonk Europäer an eng jonk Europäerin net weider einfach nokucken konnten. Den Italiener Andrea Venzon, d’Franséisin Colombe Cahen Salvador an den Däitschen Damian Boeselager hu mat Volt e grenziwwergräifenden politesche Usaz fir Europa geschaf, fir nei pragmatesch a progressiv Äntwerten op d’Erausfuerderungen vun eiser Zäit ze fannen.

Just en halleft Joer méi spéit, den 29. Mäerz 2017, wéi Groussbritannien d’Demande fir den Austrëtt aus der EU eragereecht hat, hunn déi dräi offiziell Volt gegrënnt; eng paneuropäesch Beweegung a Partei. Entre-temps huet Volt e puer dausend Memberen an all Memberstaat vun der EU. Och zu Lëtzebuerg si mir eng offiziell registréiert Partei.

Volt wäert souwuel op lokalem, wéi och nationalem an europäeschem Niveau Politik maachen. 2019 ass Volt déi éischte Kéier a verschiddene Länner vun der EU fir d’Europawale mat dobäi a mécht Walkampf mat engem europäesche, grenziwwerschreidende Walprogramm. Eisen éischten Deputéierte gëtt an d’europäescht Parlament gewielt: Den Damian Boeselager.

Volt Lëtzebuerg

Mir sinn eng agedroe Partei zu Lëtzebuerg a mir hu bei Walen op dem Niveau vun de Gemengen, dem Land an och bei der Wal fir d’europäescht Parlament 2019 matgemaach. Eis Membere kommen aus ganz Lëtzebuerg.

Results of the european elections in Luxembourg in 2019